PUSTAKAHEGDE. BLOGSPOT.COM

 ಅಮೆರಿಕದ ವಿವಿಧತೆ, ವಿಶಿಷ್ಟತೆ ತೋರಿಸುವ  ‘ಕುತೂಹಲದ ಕಣ್ಣಲ್ಲಿ ಅಮೇರಿಕಾ’  ಜಗತ್ತನ್ನು ಸುತ್ತಬೇಕು ಎನ್ನುವ ಹಂಬಲ ಬಹಳ ಜನರಲ್ಲಿ ಇರುತ್ತದೆ. ಆದರೆ ಅಂತಹ ಅವಕಾಶ ಎಲ್ಲರಿಗೂ ಸಿಗಲಾರದು. ಹೀಗೆ ಸುತ್ತಿದವರು  ಅದರ ಅನುಭವವನ್ನು ಹಂಚಿಕೊಳ್ಳುತ್ತಿರಬೇಕು. ಇದರಿಂದ ವಿದೇಶಯಾನ ಸಾಧ್ಯವಾಗದಿದ್ದವರೂ ಸಹ ಅಲ್ಲಿನ ವಿವಿಧತೆ, ವಿಶಿಷ್ಟತೆಗಳನ್ನು ತಿಳಿದುಕೊಳ್ಳಲು ಸಾಧ್ಯವಾಗುತ್ತದೆ.  ‘ಕುತೂಹಲದ ಕಣ್ಣಲ್ಲಿ ಅಮೇರಿಕಾ’  ಪ್ರಸ್ತುತ ಕೃತಿಯನ್ನು ಉಡುಪಿಯ ಮೋಹನ್‌ದಾಸ್ ಕಿಣಿ ಬರೆದಿದ್ದಾರೆ. ತಮ್ಮ ಅಮೇರಿಕಾ ಮತ್ತು ಕೆನಡಾ ಪ್ರವಾಸದ ಹಿನ್ನೆಲೆಯಲ್ಲಿ ರಚಿತವಾದ ಈ ಕೃತಿಯಲ್ಲಿ ಅವರು ಅಮೆರಿಕದಲ್ಲಿ ತಾವು ವರ್ಷಗಳ ಕಾಲ ಇದ್ದು ಕಂಡುಂಡ, ಅನುಭವಿಸಿದ ಎಲ್ಲಾ ವಿಷಯಗಳನ್ನು ದಾಖಲಿಸಿದ್ದಾರೆ. ಇದು ನಾವು ಸ್ವತಃ ಆ ದೇಶವನ್ನು ನೋಡಿಬಂದ ಅನುಭವವನ್ನು ಕಟ್ಟಿಕೊಡುತ್ತದೆ. ಅಲ್ಲಿನ ನೀತಿ- ನಿಯಮ, ಉದ್ಯೋಗ ಪದ್ದತಿ, ಸಾರಿಗೆ ವ್ಯವಸ್ಥೆ, ಡ್ರೈವಿಂಗ್ ಕಲಿಕೆ, ವಾಸದ ನಿಯಮ... ಹೀಗೆ ಹತ್ತಾರು ವಿಷಯಗಳು ಈ ಕೃತಿಯ ಜೀವಾಳವಾಗಿವೆ. ಆದ್ದರಿಂದ ಈ ಪುಸ್ತಕ ಎಲ್ಲರಿಗೂ ಇಷ್ಟವಾಗುವಂತದ್ದು.  ವಿದೇಶಕ್ಕೆ ಹೋಗಬೇಕು ಎಂದು ಯೋಚಿಸುವುದರಿಂದ ಹಿಡಿದು ಪಾಸ್‌ಪೋರ್ಟ್ ಮಾಡಿಸುವುದು, ವೀಸಾ ಲಭ್ಯತೆ, ವಿಮಾನ ಪ್ರಯಾಣಕ್ಕೆ ಸಿದ್ಧತೆ, ವಿಮಾನಯಾನ, ವಿಮಾನ ಏರುವ ಮುನ್ನ ನಡೆಯುವ ತಪಾಸಣೆಗಳು, ಅಲ್ಲಿಗೆ ಹೋಗಿ ಇಳಿದ ಮೇಲಿನ ಪ್ರಕ್ರಿಯೆಗಳು, ಇಲ...

 ಸರಳ, ಸಜ್ಜನ, ಕನ್ನಡಿಗರ ಅಭಿಮಾನದ ‘ಅಭಿವೃದ್ಧಿಯ ಹರಿಕಾರ ಡಿ. ದೇವರಾಜ ಅರಸು’   ದೇವರಾಜ ಅರಸು ಅವರು ನಾಡು ಕಂಡ ಶ್ರೇಷ್ಠ ಆಡಳಿತಗಾರ ಮತ್ತು ರಾಜ್ಯದ ಜನತೆಯ ಬಗ್ಗೆ ನಾಡಿನ ಬಗ್ಗೆ ಅಪಾರ ಅಭಿಮಾನ ಇಟ್ಟುಕೊಂಡವರು.  ಸಾಮಾಜಿಕ  ನ್ಯಾಯದ ಮಹಾಪುರುಷ ಎಂದು ಅವರನ್ನು ಕರೆಯಲಾಗುತ್ತದೆ. ಸತತ ಎರಡು ಬಾರಿ ಮುಖ್ಯಮಂತ್ರಿಗಳಾಗಿ ಆಡಳಿತ ನಡೆಸಿದ ಅವರು,  ಹುಣಸೂರು  ಕ್ಷೇತ್ರದಿಂದ ೫ ಬಾರಿ ಆರಿಸಿ ಬಂದದ್ದು ಸಹ ಒಂದು ದಾಖಲೆ. ಸಚಿವರಾಗಿಯೂ ಸುದೀರ್ಘ ಸೇವೆ ಸಲ್ಲಿಸಿದವರು. ಸ್ವಲ್ಪವೂ ಆಸ್ತಿ ಮಾಡದೆ ಅಧಿಕಾರ ಎನ್ನುವುದು ಜನರ ಸೇವೆಗಾಗಿ ಎಂದು ಭಾವಿಸಿದವರು. ಇಂತಹ ಅವಿಸ್ಮರಣೀಯ ರಾಜಕಾರಣಿ, ಹಿಂದುಳಿದ ವರ್ಗಗಳ ಹರಿಕಾರನ ಕುರಿತು ಶಿವಮೊಗ್ಗದ ನಾಗರತ್ನಾ ಕುಮಾರ್ ಬರೆದ, ಕಳೆದ ವಾರವಷ್ಟೇ ಬಿಡುಗಡೆಯಾದ ಅಪೂರ್ವ ಮಾಹಿತಿಯ ಕೃತಿ ಇದು. ಅರಸು ಪರಿಸ್ಥಿತಿಯ ಒತ್ತಡದಿಂದ ಮತ್ತು ಹಿರಿಯರ ಬಲವಂತದಿಂದ ರಾಜಕೀಯಕ್ಕೆ ಬಂದವರು. ಅವರ ಆಡಳಿತದ ಕಾಲವನ್ನು ‘ಅರಸು ಯುಗ’ ಎಂದು ಕರೆಯಿಸಿಕೊಳ್ಳುವ ಮಟ್ಟಕ್ಕೆ ಏರಿತ್ತು ಎಂದರೆ ಅವರ ವ್ಯಕ್ತಿತ್ವದ ಪರಿಚಯವಾಗುತ್ತದೆ. ಇಂತಹ ಮುಖ್ಯಮಂತ್ರಿ ದೇವರಾಜು ಅರಸು ಅವರ ಕುರಿತ ವ್ಯಕ್ತಿತ್ವ ಸಾಧನೆ ಕುರಿತಾದ ಕೃತಿ ಇದಾಗಿದೆ. ಇದರಲ್ಲಿ ೧೯ ಅಧ್ಯಾಯಗಳಿವೆ. ಅವರ ಜನನ, ಮನೆತನ ಮತ್ತು ಬಾಲ್ಯದಿಂದ ಹಿಡಿದು ರೂಪಿಸಿದ  ಯೋಜನೆಗಳು, ಆಡಳಿತ, ಕ್ರಾಂತಿಕಾರ ನಿರ್ಧಾರಗಳು, ಜೀವನದ ಅಪೂರ್ವ ಘಟನೆ...

 ಬದುಕಿನ ಘಟನೆಗಳ ಮೊತ್ತದ ‘ಭೂತದ ಕೋಳಿ’  ಗ್ರಾಮೀಣ ಹಿನ್ನೆಲೆಯ ಬದುಕು, ಸಾಮರಸ್ಯ, ರಾಜಕೀಯ ಶೋಷಣೆ, ವಿಡಂಬನೆಯ ಚಿತ್ರಗಳನ್ನು ಕಟ್ಟಿಕೊಡುವ ಕಥಾ ಸಂಕಲನ ‘ಭೂತದ ಕೋಳಿ’. ಕಾರ್ಕಳದ ಕ್ರಿಯೇಟಿವ್ ಪಿಯು ಕಾಲೇಜಿನಲ್ಲಿ  ಉಪನ್ಯಾಸಕರಾಗಿರುವ ಮತ್ತು ಬರೆಹಗಾರರಾಗಿ ಈಗಾಗಲೇ ಗುರುತಿಸಿಕೊಂಡಿರುವ ರಾಘವೇಂದ್ರ  ಬಿ. ರಾವ್ (ಅನು ಬೆಳ್ಳೆ) ಅವರ ಕೃತಿ ಇದು. ನಮ್ಮ ಸುತ್ತಮುತ್ತ ಇರುವ ವಿವಿಧ ಬಗೆಯ ಮನುಷ್ಯರ ಕಥೆಗಳು ನಮ್ಮನ್ನು ಇಲ್ಲಿನ ವಸ್ತು. ಅವುಗಳಲ್ಲಿ ಕೆಲವು ರೋಚಕವಾಗಿದ್ದರೆ, ಕೆಲವು ವಿಚಿತ್ರವಾಗಿವೆ. ಕೆಲವು ಎಂದೋ ಆಗಿಹೋಗಿದ್ದಾಗಿದೆ. ಇಂತಹವರು ನಮ್ಮ ನಡುವೆ ಇದ್ದಾರೆ. ಅವರ ಆಡುನುಡಿಗಳಿಂದ, ಅವರು ಮೂಡಿಸುವ ಆತ್ಮೀಯ ಭಾವಗಳಿಂದ ಇಲ್ಲಿನ ಕಥೆಗಳು ನಿರೂಪಿತವಾಗಿದೆ.  ಮೂಲತಃ ಗ್ರಾಮೀಣ ಪ್ರದೇಶದವರೇ ಆದ ಲೇಖಕರು ಬದುಕಿನ ನೈಜ ಘಟನೆಗಳನ್ನು ತಾವು ಕಂಡಂತೆ ಸುಂದರವಾಗಿ ಕಾದಂಬರಿಯಲ್ಲಿ  ಚಿತ್ರಿಸಿದ್ದಾರೆ. ನಮ್ಮ ಅಕ್ಕಪಕ್ಕದಲ್ಲಿ ನಡೆಯುವ ಬದುಕಿನ ಘಟನೆಗಳ ಮೊತ್ತವೇ ಭೂತದ ಕೋಳಿ. ಕೃತಿಯಲ್ಲಿ  ಒಟ್ಟು ೧೨ ಕತೆಗಳಿವೆ. ಎಲ್ಲವೂ ಅವರ ಸುತ್ತಮುತ್ತಲಿನ ಪ್ರದೇಶದಲ್ಲಿಯೇ ನಡೆದವನಾಗಿವೆ. ಕಥೆಗಳ ಕುರಿತು:  ‘ಗೋಲಿಸೋಡಾ’ ಮೂಲಕ  ಹೊಟ್ಟೆ ಬುಳುಬುಳು ಎನ್ನುವುದು ಕಡಿಮೆಯಾಗುತ್ತದೆ ಎಂದು ನಂಬುವ ಅಜ್ಜಿ, ಮಗ ಮಾತ್ರೆ ತಂದುಕೊಟ್ಟರೂ ಅದು ಕಹಿ ಎನ್ನುತ್ತಾಳೆ.  ತನಗೆ ಗೋಲಿ ಸೋಡಾ ಬೇಕು ಎನ್ನುವ ಹಠ. ...

   ಹೆಣ್ಣಿನ ತುಡಿತ, ತುಮುಲಗಳ ‘ಅಮೃತಧಾರೆ’ ‘ಅಮೃತಧಾರೆ’ ಕವನಸಂಕಲನದಲ್ಲಿ   ಕವಯತ್ರಿ  ಸೂಗಮ್ಮ ಡಿ. ಪಾಟೀಲ್ ಉತ್ನಾಳ, ವಿಜಯಪುರ  ಎಲ್ಲಾ ಮಹಿಳಾ ಬರಹಗಾರರಂತೆ ಸ್ತ್ರೀಪರ ಧೋರಣೆ, ಆಲೋಚನೆ, ಚಿಂತನೆಗಳನ್ನು ಹರಿಯಬಿಟ್ಟಿದ್ದಾರೆ. ಹೇಳಲಾರದ, ನಿಂದನೆಯ ನುಡಿಗಳನ್ನು ಸಹಿಸಲಾಗದ, ನೊಂದ ಕಂಬನಿಯ ಹನಿಯ ಹಿಂದಿನ ನೋವು...ಹೀಗೆ ನೊಂದವರ ಹೃದಯದ ಅಂತರ್ಗದಲ್ಲಿ ಹುಟ್ಟುವ ಕವನಗಳು ಇದರಲ್ಲಿವೆ.  ಇಂದು ಮನೆಗೆ ಸೀಮಿತವಾಗಿದ್ದ ಹೆಣ್ಣು ಗಗನಯಾನದವರೆಗೂ ತಲುಪಿದ್ದಾಳೆ. ಹೊರಗೆಲ್ಲ ದುಡಿದು ಗಳಿಸುತ್ತಿರುವ ಹೆಣ್ಣು ಮನೆಯನ್ನು ಸಮರ್ಥವಾಗಿ ನಿಭಾಯಿಸುವ ಮೂಲಕ ತನ್ನ ಅಸ್ತಿತ್ವವನ್ನು ಗಟ್ಟಿಗೊಳಿಸುತ್ತಾ ಮುನ್ನಡೆಯುತ್ತಿರುವುದನ್ನು ಇಲ್ಲಿ ಚಿತ್ರಿಸಿದ್ದಾರೆ. ಹೆಣ್ಣಿನ ತುಡಿತ, ತುಮುಲಗಳನ್ನು ಇಲ್ಲಿ  ಆಪ್ತವಾಗಿ ನೇಯಲ್ಪಟ್ಟಿವೆ.  ಸಂಕಲನದಲ್ಲಿನ ಕವನಗಳ ಬಗ್ಗೆ ನೋಡುವುದಾದರೆ, ಸರಳ, ಶುದ್ಧ, ನೇರ ಭಾವನೆಗಳ ದಿಟ್ಟ ಅನಾವರಣ ಇದರಲ್ಲಿದೆ. ಭಾವಕ್ಕೆ ಸಿಲುಕಿದ್ದನ್ನು ಅಕ್ಷರಕ್ಕಿಳಿಸುವಾಗ ಯಾವ ಮುಲಾಜಿಗೂ ಒಳಗಾಗದೆ ಅನಿಸಿದ್ದನ್ನು ಅನಿಸಿದಂತೆ, ಶಬ್ದಗಳಿಗಾಗಿ ತಡಕಾಡದೆ, ಸರಳವಾಗಿ ಓದುಗರ ಎದೆಯ ಮೀಟುವಂತಹ ಬರವಣಿಗೆಯನ್ನು ಇಲ್ಲಿ ಕಾಣಬಹುದು. ವಾಸ್ತವಕ್ಕೆ ಸ್ಪಂದಿಸುವ ಮಹಿಳೆಯ ಹಲವು ಕವನಗಳನನ್ನು ಗಮನಿಸಿದಾಗ, ಲೇಖಕಿಯ ಪ್ರೌಢ ಆಲೋಚನೆಗಳು ಚಿಂತನೆಗಳ ಮೂಲಕ ಕಂಡುಬರುತ್ತವೆ.   ಕೆಲವು ಮಹತ್ವದ ಕ...

 ಬದುಕಿನ ಸಾರ್ವಕಾಲಿಕ ಸತ್ಯಗಳ ‘ಮನುಷ್ಯರನ್ನು ನಂಬಬಹುದು’ ಬಿ. ರಮೇಶ್ ಭಟ್ ಅವರು ಬರೆದ ಕಥಾ ಸಂಕಲನ ‘ಮನುಷ್ಯರನ್ನು ನಂಬಬಹುದು. ಇಲ್ಲಿನ ಕಥೆಗಳಲ್ಲಿ ಬದುಕಿನ ಹುಮ್ಮಸ್ಸಿನ ಪರಿಚಯವಿದೆ. ಬದುಕಿನ ಸಾರ್ವಕಾಲಿಕ ಸತ್ಯಗಳನ್ನು ಯಾವುದೇ ಸೋಗಿಲ್ಲದೆ ನಿರೂಪಿಸಿದ್ದಾರೆ. ಇಲ್ಲಿನ ಎಲ್ಲಾ ಕಥೆಗಳಗಳಲ್ಲಿ ಕರ್ನಾಟಕದ ಕರಾವಳಿ, ಆಂಧ್ರ, ದೆಹಲಿ, ಮನಾಲಿ ಮೊದಲಾದ  ಸ್ಥಳಗಳು ಬರುತ್ತವೆ.  ಅತ್ಯಂತ ಸರಳ ಮತ್ತು ಘಟನೆಯಾಧಾರಿತ ಕಥೆಗಳು ಇವು. ಕಥೆಯಲ್ಲಿ ಬರುವ ಊರಿನ ಪರಿಸರದ ಸೌಂದರ್ಯವನ್ನು ವರ್ಣಿಸುತ್ತಾರೆ. ಈ ಕಥೆಗಳು ಸ್ಫುಟಿಸುವ ವಿಚಾರ ಮಾತ್ರ ಅಸಾಮಾನ್ಯ. ಉತ್ತಮ ಕಥೆಗಾರನಂತೆ ಕಥೆಗಳನ್ನು ನೀಡಿದ್ದಾರೆ. ಕಥೆಯ ಅರಿವಿನ ವ್ಯಾಪ್ತಿ ಮತ್ತು ವೈಶಿಷ್ಟ್ಯ ಮನೋಹರವಾಗಿದೆ. ಸಣ್ಣಪುಟ್ಟ ಘಟನೆಗಳೊಂದಿಗೆ ಬದುಕಿನ ಬ್ರಹ್ಮಾಂಡವನ್ನು ಈ ಕಥೆಗಳಲ್ಲಿ ತೋರಿಸುತ್ತಾರೆ. ಇಲ್ಲಿ ಭಾವನಾತ್ಮಕ ಸಂವೇದನೆಗಳಿಗೆ ಜಾಗ ಕಡಿಮೆ. ಆದರೆ ಓದುಗನ ಚಿಂತನೆಯನ್ನು ಕೆರಳಿಸುವ ಜಾಣ್ಮೆಯನ್ನು ಲೇಖಕರು ಚೆನ್ನಾಗಿ ಚಿತ್ರಿಸಿದ್ದಾರೆ. ಕಥೆಗಳು ಪ್ರಕೃತಿ ಸಹಜ ದಾಟಿಯಲ್ಲಿರುವುದು ವಿಶೇಷ. ಜೊತೆಗೆ ಕಂಡದ್ದನ್ನು ಕಂಡ ಹಾಗೆ ಹೇಳುವ ನಿಷ್ಠುರತೆಯಿಂದ ತಮ್ಮ ಕಥೆಗಳನ್ನು ಕಟ್ಟುವಲ್ಲಿನ ಕಲೆಗಾರಿಕೆಯಿಂದ ಲೇಖಕರು ಇಲ್ಲಿ ಮನಸೆಳೆಯುತ್ತಾರೆ. ಕಥೆ ಹೇಳುವ ರೀತಿ ಓದುಗರನ್ನು ಆಕರ್ಷಿಸುತ್ತದೆ.  ಈ ಒಟ್ಟು ೧೬ ಸಣ್ಣ ಕಥೆಗಳಿವೆ. ಕುತೂಹಲಕಾರಿಯಾದ ಕೆಲವು ಕತೆಗಳ ಬಗ್ಗೆ ಮಾತ್ರ ಇಲ...

 ಲೋಕ ಸಂಕಟಗಳ ಅನಾವರಣದ ‘ಅಗ್ನಿ ರೆಕ್ಕೆಗಳನ್ನು ಧರಿಸಿ’   ‘ಅಗ್ನಿ ರೆಕ್ಕೆಗಳನ್ನು ಧರಿಸಿ’ ಈ ಕವನ ಸಂಕಲನದಲ್ಲಿ ೧೦೫ ಕವನಗಳಿದ್ದು, ಕವಯತ್ರಿ ತೀರ್ಥಹಳ್ಳಿಯ ಪದ್ಮಜಾ ಜೋಯಿಸ್, ಸಮಾಜವನ್ನು ನೋಡುವ, ಬದುಕನ್ನು ಗಮನಿಸುವ, ಭಾವನೆಗಳಿಗೆ ಸ್ಪಂದಿಸುವ, ವಿಚಾರ ಲಹರಿಗಳಿಂದ ಸಮಾಜದಲ್ಲಿ ಸ್ತ್ರೀ ಒಬ್ಬಳು ಎದುರಿಸುವ ಹತ್ತಾರು ಸಮಸ್ಯೆಗಳ ವಿವಿಧ ಮುಖಗಳನ್ನು  ಸರಳ, ಭಾಷೆ, ದೃಢ ವಾಸ್ತವದೊಂದಿಗೆ ಬಿಂಬಿಸಿದ್ದಾರೆ. ಹೆಣ್ಣಿನ ಅಂತರಂಗ -ಬಹಿರಂಗಗಳ ಸವಾಲು, ಉತ್ತರವಿಲ್ಲದ ಪ್ರಶ್ನೆಗಳು, ಗಟ್ಟಿಯಾಗಿ ಬೇರೂರಬೇಕೆಂಬ ಆತ್ಮವಿಶ್ವಾಸದ ಆಶಾವಾದವನ್ನು ಕಳೆದುಕೊಳ್ಳದೆ ವಾಸ್ತವವಾದಿಯಾಗಿ ಬದುಕಬೇಕೆಂಬ ಹಂಬಲ, ಅಸಹಾಯಕತೆ ಮೊದಲಾದವನ್ನು ಇಲ್ಲಿ ತೆರೆದಿಟ್ಟಿದ್ದಾರೆ. ಭಾವಗೀತೆಯ ಶೈಲಿ, ವ್ಯಂಗ್ಯ ವಿಡಂಬನೆ, ಲಹರಿ ಇವುಗಳೊಂದಿಗೆ ಸ್ಪಂದಿಸುತ್ತಲೇ ವೈಯಕ್ತಿಕ ಬದುಕಿನಿಂದ ಸಾಮಾಜಿಕ ಬದುಕಿನೆಡೆಗೆ ಈ ಕವನ ಸಂಕಲನ ತಲೆ ಎತ್ತುತ್ತದೆ. ಮಲೆನಾಡ ಕನ್ನಡ, ಅತ್ಯುತ್ತಮ ಸನ್ನಿವೇಶಗಳು, ಭಾವನೆಗಳ ಚಿತ್ರಿತ ಶಕ್ತಿ, ವಾಸ್ತವದ ಭಯಾನಕತೆ, ಭವಿಷ್ಯದ ಆಶಾದೀಪ, ಸರಳ ಪ್ರತಿಮೆಗಳೊಂದಿಗೆ ಎಲ್ಲಾ ಕವನಗಳು ಇಲ್ಲಿ ಬೆಳೆದಿವೆ. ಜೊತೆಗೆ ಇಲ್ಲಿ ಕವಿತೆಗಳು ಒಂದು ಸಂದರ್ಭದ ಚಿತ್ರವನ್ನು ಕಟ್ಟಿಕೊಡುವುದಲ್ಲದೆ ಆ ಸಂದರ್ಭವೂ ನಮ್ಮ ಬದುಕಿನ ಒಂದು ಘಟ್ಟವನ್ನು ಬಿಚ್ಚಿಡುವ ಪ್ರಯತ್ನ ಮಾಡುತ್ತಾ, ಅನುಭವವಾಗಿ ಬಿಡುತ್ತವೆ. ಜೀವಂತ ಭಾಷೆಯಲ್ಲಿ ಸ್ಪಷ್ಟ ಚಿತ್ರಗಳಿಂದ ಅನುಭವಕ್ಕ...

  ಭ್ರಮೆ, ತೆಳು ಹಾಸ್ಯ ಮಿಳಿತ  ‘ಮೆಟ್ರೋ ಟ್ರೈನ್’  ‘ಮೆಟ್ರೋ ಟ್ರೈನ್’ ಇದೊಂದು ಕುತೂಹಲಕರ  ಕಥಾ ಸಂಕಲಕನ. ಇದಕ್ಕೆ ಭೂತಕಾಲದಲ್ಲಿ ಪಯಣ ಎಂಬ ಅಡಿಬರಹ ಇದೆ. ಇಲ್ಲಿರುವ ೩೧ ಕಥೆಗಳು ವಿಭಿನ್ನವಾಗಿವೆ. ಕಥೆಗಳನ್ನು ಓದುವಾಗ ಅತಿಮಾನುಷ ಶಕ್ತಿಗಳು ಆಟವಾಡುವುದನ್ನು ಕಾಣಬಹುದು. ಇದು ಎಲ್ಲಾ ಕಥೆಗಳಲ್ಲಿ ತುಂಬಿಕೊಂಡಿದೆ. ಎಲ್ಲವೂ ಸಂಪೂರ್ಣ ಕಲ್ಪನೆ ಎನ್ನುವುದು ಕಥೆಯನ್ನು ಓದಿದಾಗ ಅರಿವಾಗುತ್ತದೆ.  ಜೊತೆಗೆ ಇಲ್ಲಿನ ಕಥೆಗಳೆಲ್ಲ ಅಂತ್ಯದಲ್ಲಿ ಸ್ವಲ್ಪ ಹಾಸ್ಯಮಯವಾಗಿ ಮುಕ್ತಾಯವಾಗುತ್ತವೆ. ಆದ್ದರಿಂದ ಕಥೆ ವಿಭಿನ್ನ ರೂಪದಲ್ಲಿ ನಮಗೆ ಕಂಡುಬರುತ್ತದೆ.  ಓದುವಾಗ ಮನದಲ್ಲಿ ಒಂದು ಕ್ಷಣ ಮಾತ್ರ ಭಯ ಎದುರಾದಂತಾಗುತ್ತದೆ. ಆನಂತರ ಭೂತಪ್ರೇತದ ಕಥೆಗಳು, ಅತಿಮಾನುಷ, ಭ್ರಮೆ ಎನ್ನುವುದು  ಗೊತ್ತಾಗುತ್ತದೆ. ಅಂತ್ಯದಲ್ಲಿ ಇವೆಲ್ಲ ಕಲ್ಪನೆ ಎನ್ನುವುದು ಕಂಡುಬರುತ್ತದೆ. ಈ ಭ್ರಮಾಧೀನಕ್ಕೆ ಮನುಷ್ಯ ಸಿಲುಕಿದಾಗ ಭಯಭೀತಿಯನ್ನು ಅದು ಹುಟ್ಟು ಹಾಕಿ  ಚಿಂತೆಯನ್ನು ಹೆಚ್ಚಿಸುತ್ತದೆ. ಆದರೆ ಇದು ನಿಜವಲ್ಲ, ವಾಸ್ತವವಾಗಿ ನಡೆಯಲು ಸಾಧ್ಯವಿಲ್ಲ ಎನ್ನುವುದು ನಮಗೆ ಗೊತ್ತಾಗುತ್ತದೆ.  ಭ್ರಮೆಯಲ್ಲಿ ಮನುಷ್ಯ ಹೇಗೆ ಬದುಕುತ್ತಾನೆ. ಆ ಸಂದರ್ಭದಲ್ಲಿ ಎದುರಾದ ಎಲ್ಲದಕ್ಕೂ ಭೂತ ಪ್ರೇತಗಳೇ ಕಾರಣ ಎನ್ನುವುದನ್ನು ಯೋಚಿಸುತ್ತಾನೆ. ಹೀಗೆ ಇಲ್ಲಿನ ಕಥೆಗಳಲ್ಲಿ ರೋಚಕತೆ ಭಯ, ಆತಂಕ ಇದೆ.  ಈ ಎಲ್ಲ ಕಥೆಗಳು ನಮ್ಮನ್ನು ...