ಧುಮಿಕ್ಕಿ ಹರಿಯುವ ಪ್ರೇಮಿಗಳ ಭಾವನೆಗಳ ‘ಗಾಮಿನಿ’ ವಿಜಯನಗರದ ಅರಸರ ಕಾಲದಲ್ಲಿ ಕೂಡ್ಲಿಗಿ ತಾಲೂಕು ತಿಮಲಾಪುರದ ಸೇನಾನಿ ಮತ್ತು ಅಲ್ಲಿನ ಶ್ರೀಮಂತ ಕುಟುಂಬದ ಯುವತಿಯ ಪ್ರೇಮದ ಕಥೆಯ ಕಾದಂಬರಿ ಇದು. ಐತಿಹಾಸಿಕವಾಗಿ ಇದು ಆರಂಭವಾಗುವುದಾದರೂ ನಂತರ ಇನ್ನೊಂದು ಜನ್ಮದಲ್ಲಿ ಅವರು ಕಾಲೇಜು ಯುವಕ-ಯುವತಿಯರಾಗಿ, ಪ್ರೇಮಿಗಳಾಗಿ, ಪ್ರೇಮವೇ ಅಂತಿಮ ಎನ್ನುತ್ತಾ ಒಬ್ಬರಿಗೊಬ್ಬರು ಜೀವ ಕೊಡಲು ಸಿದ್ಧರಿರುತ್ತಾರೆ. ಹೀಗೆ ಇದು ಸಾಮಾಜಿಕ ಕಾದಂಬರಿಯಾಗಿ ಪರಿವರ್ತನೆಯಾಗುತ್ತದೆ. ಜಿ ಎಲ್ ಶಿವರಾಜ್ ಯಾದವ್ ಅವರ ಕಾದಂಬರಿ. ಇದು. ಜಾತೀಯತೆ, ಧನದಾಹದಿಂದ ಹೇಗೆ ಪ್ರೇಮಕ್ಕೆ ಕಂಟಕ ಎದುರಾಗುತ್ತದೆ. ಆದರೂ ಇದನ್ನು ಧಿಕ್ಕರಿಸಿ ನಿಂತ ಯುವ ಪ್ರೇಮಿಗಳಿಗೆ ಕುಟುಂಬದವರು ಹೇಗೆ ಅಡ್ಡಗಾಲಾಗುತ್ತಾರೆ, ಅಸಹಾಯಕತೆ ಮತ್ತು ಪ್ರೀತಿಯ ಅನಿರ್ವಾರ್ಯತೆ ಇಲ್ಲಿ ಮಿಳಿತವಾಗಿ ಕಥಾ ವಸ್ತು ಮಾನವೀಯವಾಗಿ ರೂಪಾಂತರವಾಗಿದೆ. ನಿಸ್ವಾರ್ಥ ತ್ಯಾಗದ, ಪ್ರೇಮೋತ್ಸವದಲ್ಲಿ ಧುಮಿಕ್ಕಿ ಹರಿಯುವ ಭಾವನೆಗಳಿವೆ. ಪ್ರೀತಿ- ಪ್ರೇಮದ ಬಗ್ಗೆ ಅನೇಕ ಡೈಲಾಗ್‌ಗಳಿವೆ. ಪ್ರೇಮದ ಕನಸನ್ನು ಬೆನ್ನತ್ತುವುದು, ಹಲವರು ಅದನ್ನು ತಡೆಯಲು ಪ್ರಯತ್ನಿಸುವುದು, ಪ್ರೇಮಕ್ಕಾಗಿ ಯುವಕ - ಯುವತಿ ತಮ್ಮನ್ನೇ ಅರ್ಪಿಸಿಕೊಳ್ಳಲು ಸಿದ್ಧರಾಗುವುದು ಕಾದಂಬರಿಯ ತಿರುಳು. ಕಾದಂಬರಿಯ ಹೆಸರು ‘ಗಾಮಿನಿ’ ಇಲ್ಲಿ ಪ್ರೀತಿ-ಪ್ರೇಮದ ರೂ...
